Микрокредит беру туралы үлгілік шарт
Электрондық тәсілмен жасалатын шарт нысаны. Жеке шарттар (сома, мерзім, мөлшерлеме, ЖТСМ, төлем күні) өтінімде қалыптасады және қол қоюға дейін жеке кабинетте көрсетіледі.
Тараптар
Несие беруші: «Fino» (Фино) микроқаржы ұйымы» ЖШС, БСН 210440028913, ҚНРДА лицензиясы № 02.21.0084.М 15.11.2021 ж., мекенжайы: Қазақстан Республикасы, Алматы қ., Бостандық ауданы, Әл-Фараби даңғылы, 77/7 үй, «Esentai Tower» БО, 11-қабат. Қарыз алушы: деректері жеке шарттарда көрсетілген, электрондық тәсілмен сәйкестендірілген жеке тұлға.
Шарттың мәні
Несие беруші Қарыз алушыға қамтамасыз етусіз және мақсатты тағайындаусыз мерзімділік, ақылылық және қайтарымдылық шарттарында теңгемен микрокредит береді, ал Қарыз алушы микрокредит сомасын қайтаруға және шартта белгіленген тәртіп пен мерзімде сыйақы төлеуге міндеттенеді.
Елеулі шарттар (титулдық парақ)
- микрокредит сомасы және беру күні;
- микрокредит мерзімі және төлем күні;
- күндік және жылдық мәндегі сыйақы мөлшерлемесі;
- жылдық тиімді сыйақы мөлшерлемесі (ЖТСМ);
- қайтарылатын толық сома: негізгі борыш және сыйақы;
- тұрақсыздық айыбының мөлшері және оны есептеу тәртібі;
- беру тәсілі (Қарыз алушының картасының/шотының деректемелері) және өтеу тәсілдері;
- Қарыз алушының келісімдері туралы мәліметтер және хабарлау тәртібі.
Құқықтар мен міндеттер
Қарыз алушы микрокредитті айыппұлсыз толық немесе ішінара мерзімінен бұрын өтеуге; жасалған күннен бастап 14 күнтізбелік күн ішінде — нақты мерзім үшін сыйақы төлей отырып микрокредит сомасын қайтаруға; қаржылық жағдайы нашарлаған кезде шарттарды өзгертуге жүгінуге; үзінді көшірмелер мен берешек туралы ақпаратты тегін алуға құқылы.
Несие беруші мерзімін өткізу туындағаны туралы Қарыз алушыға 20 күнтізбелік күн ішінде хабарлауға, микрокредит беру құпиясын сақтауға, шартта көзделмеген төлемдерді алмауға және шарттарды біржақты тәртіппен нашарлату жағына өзгертпеуге міндетті.
Жауапкершілік және даулар
Қайтару мерзімін бұзғаны үшін жеке шарттарда көрсетілген, бірақ заңнамада белгіленгеннен аспайтын мөлшерде тұрақсыздық айыбы есептеледі. Даулар келіссөздер арқылы, қаржы омбудсманы арқылы немесе Қазақстан Республикасының заңнамасына сәйкес Несие берушінің орналасқан жері бойынша сотта шешіледі.
Хабарламалар
Хабарлама алмасу жеке кабинет, Қарыз алушының абоненттік нөміріне SMS және электрондық поштасы арқылы жүзеге асырылады; мұндай хабарламалар тиісті хабарламалар деп танылады.
Жаңартылды: 04.09.2026